Back Aa

Esperanto Teacher, The

Close

<center><b>KION NE KOMPRENAS LA HIRUNDOJ KAJ PAPILIOJ.</b></center> <p align="right">El <i>Pola Antologio.</i></p> <div class="indented">... Iom pli malproksime kuŝis flava grenkampo. Malalta barilo apartigis ĝin de l' konstruaĵoj kaj de l' malgranda placeto antaŭ ili.</div> <SPAN name="ch131"></SPAN> <div class="indented">La barilo formis angulon kaj en la loko, kie kuniĝis du ĝiaj oblikvaj duonoj, ĝi havis pordegon, altan, larĝan kaj en tiu momento tute malfermitan.</div> <div class="indented">Ni proksimiĝis al la malalta barilo. Anjo ne havis ankoraŭ sufiĉe da tempo por apogi al ĝi sian ombrelon kaj jam en la flava domo oni malfermis la pordon kaj viro stariĝis ĉe la sojlo kaj laŭte demandis:</div> <div class="indented">—Ĉu vi iras eksterlandon?</div> <div class="indented">Ni komprenis. La barilo, malzorge konstruita el kurbaj bastonoj, estis io pli grava, ol limo de kampara propraĵo...</div> <div class="indented">Ĉi tiu barilo apartigis du naciojn, du landojn, du civilizaciojn.</div> <div class="indented">La sekalo, kreskanta post ĝi, estis jam germana sekalo; la cejanoj, kiuj, kiel bluaj lumetoj, bruletis inter la spikoj, estis jam germanaj cejanoj.</div> <div class="indented">Germana estis eĉ la vento, fluganta de tie kune kun la miela odoro de l'konvolvoloj...</div> <div class="indented">Kompreneble, Anjo devis rifuzi al si la riĉigon de sia bukedo per germanaj floroj kaj ŝi tuj sciigis pri ĝi la laŭte demandantan viron.</div> <div class="indented">Li reiĝis domon trankviliĝinta, sed sendube dek kelkaj paroj da viglaj, kvankam nevideblaj okuloj observis ĉiujn niajn movojn.</div> <div class="indented">Kun stranga sento ni komencis rigardi ĉirkaŭe.</div> <div class="indented">—Kial?—demandis Anjo, larĝe malfermante la okulojn—sekve la spiko, kiu elkreskis tie ĉi el grajno alportita de tie de la vento, estas nia, sed milionoj da aliaj spikoj, ĝiaj fratoj, estas fremdaj nur tial, ke ili kreskas unu paŝon pli malproksime?</div> <div class="indented">Mi penis klarigi al ŝi, ke tio ĉi estas tute natura, eĉ necesega.</div> <div class="indented">—Por kiu?</div> <div class="indented">Anstataŭ respondo mi levis la ŝultrojn.</div> <div class="indented">Okupataj de la penso pri la divido, ni turnis la okulojn al la ĉielo, serĉante ankaŭ sur ĝi liman linion.</div> <div class="indented">Sed la ĉielo estis nur unu, nedividita.</div> <SPAN name="ch132"></SPAN> <div class="indented">Ni rigardis la sunon.</div> <div class="indented">Ankaŭ la suno estis nur unu, nedividita.</div> <div class="indented">En la sama momento papilio, kiu sidis proksime de ni sur la barilo kaj jen etendis, jen altiris siajn ruĝajn flugiletojn kun arĝenta subaĵo, rapide leviĝis kaj transflugis al la germana flanko.</div> <div class="indented">Ĝi longe flirtis tie super la balanciĝantaj spikoj kaj trovinte amikon aŭ amikinon ankoraŭ pli trankvile revenis.</div> <div class="indented">Samtempe kelke da hirundoj, antaŭsentante proksimiĝon de fulmotondro, komencis kun laŭta pepado rondflugi malproksimen kaj senpune trans la limon...</div> <div class="indented">— Vi vidas!—ekkriis Anjo kun infana triumfo.— La hirundoj kaj papilioj no konsentas la "necesecon," pri kiu vi tiel sage parolis.</div> <div class="indented">Ĉi tiuj senkonsideraj vortoj malĝojigis min.</div> <div class="indented">— Ah, Anjo, Anjo!—diris mi riproĉe,—ĉu vi forgesis, ke la homo estas pli saĝa kreitaĵo, ol la flirtemaj birdoj kaj papilioj senpripensaj?...</div> <p align="right"><span style="font-variant: small-caps">Wiktor Gomulicki.</span></p> <p align="center"><i>Greno</i>, corn; <i>placo</i>, place, square; <i>apogi</i>, to lean on; <i>ombrelo</i>, umbrella, parasol; <i>sojlo</i>, threshold; <i>laŭta</i>, loud; <i>sekalo</i>, rye; <i>cejano</i>, corn bluebottle; <i>mielo</i>, honey; <i>bukedo</i>, bouquet; <i>paro</i>, pair; <i>spiko</i>, ear of corn; <i>linio</i>, line; <i>papilio</i>, butterfly; <i>flirti</i>, flutter, wave; <i>fulmo</i>, lightning; <i>tondro</i>, thunder; <i>pepi</i>, to chirp.</p> <hr align="center" width="38%"> <div style="break-after:column;"></div><br />

1 of 2

2 of 2